08 июня 2010 г.
Район прокуратури федераци списокне кĕртнĕ экстремистла литература, материалсем упранмаççĕ-и тесе Вăрмарти тĕп библиотекăра тĕрĕслев ирттернĕ. Ун вăхăтĕнче асăннă учреждени ялти библиотекăсене кĕнекесемпе централизациленĕ йĕркепе тивĕçтернине палăртнă.
Экстремистла литература вулакансем патне ан çиттĕр тесе кунта ятарлă çын - библиотекăри ертсе пыракан специалист - ĕçлет. Вăл килекен çĕнĕ литературăна пăхса тухса (çав шутра уйрăм çынсем параканнисене те) комплектсем тăвать. Çавăн пекех ял тăрăхĕсенчи библиотекăсене ярса паракан пур кĕнекесене те инвентаризацилеççĕ, шифр лартаççĕ. Пур литературăна та каталог тăрăх патшалăх кĕнеке издательствисенчен илеççĕ. Тĕрĕслев вăхăтĕнче тĕп библиотекăра экстремистла материалсем упраннине тупса палăртман.