08 июня 2010 г.
Районти почтамтра ялсенчи çыхăну уйрăмĕсен пуçлăхĕсемпе ирттернĕ канашлура 2010 çулхи иккĕмĕш çур çула хаçат-журнал çырăнтарас тĕлĕшпе умра тăракан тĕллевсене сÿтсе яврĕç. Ăна Вăрмар тата Куславкка районĕсенчи почтамт пуçлăхĕ С.Риманов уçрĕ. Сергей Иванович районта пурăнакан кашни çемьене çитес çулхи çур çула хаçат-журналсемпе тивĕçтерессишĕн çыхăну уйрăмĕсен начальникĕсен, почтальонсен вăй-халпа тăрăшса ĕçлемеллине, подписка кампанине пысăк активлăхпа ирттермеллине палăртрĕ. Республикăра тухса тăракан изданисемпе, уйрăмах район хаçачĕпе «Хĕрлĕ ялавпа» кашни кил-хуçалăхне тивĕçтермеллине асăнса хăварчĕ. «Хальхи вăхăтра район хыпарçине 2 пин те 529 çын алла илсе тăрать. Пирĕн тĕллев - «Хĕрлĕ ялав» хаçат тиражне 3000 пин экземпляра çитересси», - терĕ С.Риманов.
«Хĕрлĕ ялав» хаçатăн тĕп редакторĕ П.Алексеев 2010 çулхи иккĕмĕш çур çулхи çырăнтару кампанийĕнче район хыпарçине активлă çырăнтарнă çыхăну уйрăмĕсен пуçлăхĕсемпе почтальонĕсене палăртрĕ.