28 мая 2010 г.
Пысăк Енккассинчи вăтам шкулти çурхи спорт ăмăртăвне уçакансем пĕрремĕшпе тăваттăмĕш классенче вĕренекенсем пулчĕç. Çивĕч иртрĕ тупăшу. Ку ушкăнра хĕр ачасенчен пĕрремĕш вырăна А.Александрова (4 кл.), арçын ачасенчен Р.Сорокин (4 кл.) пулчĕç. Унтан 5-7 классенче вĕренекен арçын ачасем 500 метрлă, хĕрачасем 300 метрлă дистанцисенче тупăшрĕç. Çак ушкăнра арçын ачасенчен Г.Егоров (6 кл.), хĕрачасенчен М.Иванова (7 кл.) мала тухрĕç.
8-9 классем хушшинче те тупăшу çивĕч иртрĕ. Арçын ачасем 800 метрлă дистанцисенче ăмăртрĕç. Ку ушкăнра арçын ачасенчен финиша чи малтан М.Афанасьев, хĕр ачасенчен В.Петрова (9 кл.) çитрĕç.
Унтан 10-11 классенче вĕренекенсем тупăшрĕç. Ку хутĕнче арçын ачасенчен 1-мĕш вырăна В.Степанов, хĕр ачасенчен - И.Иванова (10 кл.) тухрĕç.