Публикации » Паттăрлăх шкулĕ

25 мая 2010 г.

Ачасен сывлăхне çирĕплетекен «Романтика» кану лагерĕнче «Орленок», «Зарница» çарпа спорт вăййисен финалти ăмăртăвĕсем иртнĕ. Ăмăртăва районти шкулсенчен 291 вĕренекен тата 34 вĕрентекен хутшăннă. 3 куна тăсăлнă мероприятие йĕркелесе ирттерсе яраканĕ райадминистрацин вĕрентÿпе çамрăксен политикин пайĕ пулнă. Çавăн пекех çак ĕçе районти шалти ĕçсен пайĕ, ЧР çар ĕç комиссариачĕн Вăрмар тата Куславкка районĕсен пайĕ, районти тĕп больница хутшăннă. «Зарница» спорт вăййисен командисем хушшинче Г.Е.Егоров ячĕллĕ пĕрремĕш вăтам шкул ачисем пĕрремĕшсем пулнă. «Орленок» командисем хушшинче вара - Энĕшпуçĕнчи вăтам шкулта вĕренекенсем.