Публикации » «Ăслă ача - 2010»

21 мая 2010 г.

Ачасен пултарулăхне пĕчĕкренех палăртас тĕллевпе райадминистрацин вĕрентÿпе çамрăксен политикин пайĕ çулсерен шкула кайман ачасем хушшинче «Ăслă ача» интеллектуаллă вăйă ирттерет. Кăçал та апрель уйăхĕнче çак вăйă чи ăслине тупма пулăшрĕ. Пĕрремĕш тура районти кашни шкул çулне çитмен ачасен вĕрентÿ учрежденийĕнчи 17 ача хутшăннă. Вĕсенчен финала çиччĕшĕ тухнă. Конкурсра ачасене тĕрлĕ ыйтусем панă, пултарулăхне кăтартакан материалĕсене пăхса тухнă. Районта иртнĕ «Ăслă ача-2010» интеллектуаллă вăйăра Мăнçырмари ача садне çÿрекен Ксения Макарова пĕрремĕш пулса тăнă. Ытти 6 участник тĕрлĕ номинацире çĕнтернĕ. Çитес вĕренÿ çулĕнче вĕсем пĕрремĕш хут парта хушшине ларĕç.