18 мая 2010 г.
Вăрмар поселокĕнчи тĕп стадионта Çиçтĕпе ялĕнче çуралса ÿснĕ СССР спорт мастерне Н.Гренадерские асăнса çăмăл атлетика енĕпе уçă чемпионат тата мала тухассишĕн ăмăртусем иртрĕç. Вĕсенче шкул ачисем те, 70 çул урлă каçнисем хутшăнчĕç, уйрăмшарăн та, командăсем хушшинче те тупăшрĕç. Ăмăртусен программи анлă пулчĕ - 100, 200, 400, 800, 1500, 3000 метра чупасси, 3 километра утасси, çÿллĕшне, тăршшĕне сикесси, йетре тĕртесси. Çĕнтерÿçĕсемпе призерсем район администрацийĕн дипломĕсемпе асра юлмалли парнесене тивĕçрĕç.