Публикации » Ешĕл палăксем пулĕç

14 мая 2010 г.

Православи чиркĕвĕ Тăван çĕршывăн ирĕклĕхĕпе никама пăхăнманлăхĕшĕн пынă вăрçăра пуçĕсене хунă салтаксене сăваплă çынсем вырăнне хурать. Вĕсен ячĕсемпе кĕлĕсем ирттернисĕр пуçне кулленхи пурнăçра та ырă ĕçсем тăвать. Нумаях пулмасть Владимир атте пуçарнипе Михаил Архистратиг чиркĕвĕн территорийĕнче кунти прихута çÿрекенсем Аслă Отечественнăй вăрçăра çĕнтернĕренпе 65 çул çитнине халалласа тата тăван тавралăх илемĕшĕн тăрăшса чиркÿ территорийĕнче 400 ытла тĕп хырпа хурăн хунавĕсем лартса хăварчĕç. Нумай та вăхăт иртмĕ - çак çамрăк йывăçсем таврана илем кÿрсе хаяр вăрçăра пуçĕсене хунă салтаксене аса илтерекен ешĕл палăксем пулса тăрĕç.