04 мая 2010 г.
Райадминистрацин ял хуçалăхĕпе экологи тата çĕрпе пурлăх пайĕнчи оперативлă даннăйсем тăрăх, районĕпе илсен 4461 гектар кĕрхи культурăсем шăнса пĕтнĕ, ку мĕн пур акнă лаптăкран шутласан 68,5 процент пулать. Кĕрхи культурăсене 2050 гектар çинче апатлантарнă, 1250 гектар акма çĕр хатĕрленĕ, 3800 гектар çĕртме пуссине сÿреленĕ, çурхи культурăсене 1090 гектар çинче акнă. «Арабоси» агрофирмăра апрелĕн 29-мĕшĕ тĕлне 360 гектар акма çĕр хатĕрленĕ, нумай çул ÿсекен курăксене 407 гектар çинче сÿреленĕ, 100 тонна вăрлăхлăх тырăна имçамланă, 2624 гектар çинче кĕрхи культурăсене апатлантарнă. Кĕрхи культурăсене 2874 гектар çинче акса хăварнă пулнă, çав шутран 250 гектарĕ хĕл каçайман. Халĕ вĕсене çĕнĕрен акаççĕ. Умри тĕрлĕрен йывăрлăхсене çĕнтерсе Арапуçсем Çĕнтерÿ кунĕ тĕлне çур акине вĕçлесшĕн.