Публикации » Ĕççи вăхăтра пуçланчĕ

23 апреля 2010 г.

Хĕл питĕ юрлă пулнăран çуркунне те каярах килет пуль тесе шутлаттăмăр малтан, çук - çурхи ĕççи иртнĕ çулсенчи пекех хăй вăхăтĕнчех пуçланчĕ. Яланхиллех чи малтан хăйсен «хурçă учĕсене» «Урмарская» кайăк-кĕшĕк фабрики ĕçченĕсем уя илсе тухрĕç. «Арабоси», «Шигали» хуçалăхсенче, «Шоркистринский» кооперативра çĕр лаптăкĕсене сÿрелеме тытăнчĕç. Кĕрхи культурăсене апатлантарасси те вăй илсе пырать. «Урмарская» кайăк-кĕшĕк фабрикинче кĕрхи культурăсем 1040 гектар йышăнаççĕ. Ĕçĕ нумай, çавăнпа та ăна пурнăçлама МТЗ-80, 82 тракторсемпе пилĕк сеялка кăларнă. Халĕ вĕсем Чăршçырма ялĕ çывăхĕнчи уйра ĕçлеççĕ.