Публикации » «Солнышко» ача сачĕ

20 апреля 2010 г.

Çĕр çинчи пурнăçра ачасемшĕн тăрăшнинчен таса ĕç урăх çук. Çамрăк ăрăва пахалăхлă пĕлÿ, тĕрĕс воспитани пама тăрăшаççĕ Кĕтеснер ялĕнчи «Солнышко» ача садĕнчи воспитательсем. Кашни ача хăй пĕр тĕнче. Ача сачĕ ÿсĕмсен çулĕпе пырать. Çулсерен районта, республикăра иртекен тĕрлĕ конкурссене хутшăнать. Акă нумаях пулмасть «Ăслă ача» конкурсăн I-мĕш турĕ ача садĕнче пулса иртрĕ. Ачасем хăйсен ăс-тăнне, пултарулăхне кăтартас тĕллевпе тĕрлĕ конкурссем витĕр тухрĕç: геометри фигурисем çинчен, чи ансат математика кăтартăвĕсене пĕлнине кăтартасси, илемлĕ литература хайлавĕсене пĕлни, çывăх пĕлтерĕшлĕ сăмахсене уйăрса илме вĕрентесси тата ытти те. Курма килнĕ хăнасене ачасем юрă-ташăсемпе савăнтарчĕç. Жюри членĕсем вĕсене тивĕçлĕ хак пачĕç. Кашни ачанах тĕрлĕ номинаципе грамотăсем парса чысларĕç. «Чи ăсли» номинацинче грамотăна Саша Степанов çĕнсе илме тивĕçлĕ пулчĕ.

Кĕтеснер ялĕ.