Публикации » Кĕтне юхан шывĕ сиен кÿмен

16 апреля 2010 г.

Апрель уйăхĕнче хĕвел хĕртнĕрен юр куç умĕнчех ирĕлсе пырать. Унтан юхан шыв пулса хăйĕн çулĕпе юхать. Çавна май Тикаш ял тăрăхĕпе юхакан Сăхăт юхан шыв (вăл Хĕрлĕçырпа Тикаш ялĕсем тăрăх юхса иртет) Кĕтне юхан шывпа çыхăнать. Вăл çыранран тухса кайнă, çапла вара «Передовик» агропромышленность комплексĕ» тулли мар яваплă обществăн улăхне шыв илнĕ.

Унпа пĕрлех Тикаш ялĕпе юхса иртекен «Кĕле çырми» юхан шыв Сăхăт юхан шывĕпе пĕрлешсе çыран хĕрринчен тухса кайса Чапаев урамĕнче пурăнакансен хăшĕ-пĕрин пахчисене юхса кĕнĕ. Вĕсен пахчисене шыв илнĕ. Кĕтне юхан шывĕ кашни çулах çак вăхăтра тулса пырать. Каç кÿлĕм çанталăк сивĕ тăнипе вăл майĕпен чакса пынă. Пĕтĕмĕшле каласан çурхи ейÿ вырăнта пурăнакансене сиен кÿмен.