16 апреля 2010 г.
Тăван çĕршывăн аслă вăрçинче çĕнтернĕренпе 65 çул çитнине уявлас енĕпе ĕçлекен районти йĕркелÿ комитечĕн черетлĕ ларăвĕнче çывăх вăхăтра туса ирттермелли ĕçсене пăхса тухнă. Ăна район пуçлăхĕ В.Кириллов ертсе пынă, ĕçе йĕркелÿ комитечĕн членĕсемсĕр пуçне хула тата ял тăрăхĕсен пуçлăхĕсем хутшăннă. Сÿтсе явмалли ыйтусем питĕ анлă пулнă. Уйрăммăн илсен - хула, ял тăрăхĕсенчи палăксене йĕркене кĕртесси, вăрçă ветеранĕсемпе участникĕсене, тыл ĕçченĕсене юбилей медалĕсемпе наградăлас ĕç мĕнле пурнăçланни, патшалăх символĕсене лайăх тытса тăрасси, Аслă Отечественнăй вăрçă участникĕсемпе ытти хăш-пĕр граждансене пĕр хутчен паракан тÿлеве парасси, музейсенче хăтлăха тытасси, çыхăну ĕçченĕсем РФ тата ЧР Президенчĕсен саламĕсене, виç кĕтеслĕ конвертсене ветерансем патне çитересси...
Тăван çĕршывăн аслă вăрçинче çĕнтернĕренпе 65 çул çитнипе çыхăннă юбилей мероприятийĕсене районта майăн 8-9-мĕшĕсенче ирттерме палăртнă.