13 апреля 2010 г.
Çак кунсенче эпир, Кĕтеснерти 5-мĕш класра вĕренекен ачасем, Шупашкар хулинче экскурсире пултăмăр.
Чăн малтан эпир К.В.Иванов ячĕпе хисепленекен музейра пулса куртăмăр. Унти Киремет йывăççи айне ĕмĕт пурнăçлантăр тесе укçа хутăмăр. Экскурсовод пире авалхи чăвашсем çинчен каласа пачĕ, тĕрлĕрен ăсчахсен, артистсен, çыравçăсемпе сăвăçсен пурнăçĕпе паллаштарчĕ.
Музейран тухсан эпир К.В.Иванов ячĕллĕ Чăваш патшалăх академи драма театрĕ патне çул тытрăмăр. Театрта капăр люстрăсем куçа илĕртеççĕ. Кăшт вăхăт иртсен эпир зала кĕрсе вырнаçса лартăмăр. Зал тĕттĕмленсен, çынсем шăплансан «Укçа чул кастарать» ятлă спектакль пуçланчĕ. Курăм икĕ сехете пычĕ. Спектакль пĕтсен эпир хавхануллă туйăмпа киле таврăнтăмăр.