Публикации » Юмах тĕнчи

30 марта 2010 г.

Кивĕ Шулхан ял библиотекинче ача-пăча кĕнеке эрни иртрĕ. Кĕçĕн классенче вĕренекен ачасемпе «Юратнă юмахсен геройĕсем» ятлă мероприяти ирттертĕмĕр. Çавăн пекех «Асамлă юмах тĕнчинче» ятлă кĕнеке куравĕ йĕркеленĕ. Шкул ачисем тĕрлĕ юмахсенчи персонажсене сăнласа кăтартрĕç. Хăйсен геройĕсене сăнланă ÿкерчĕксен «Вулатпăр та ÿкеретпĕр» куравне йĕркелерĕмĕр. Пирĕн библиотекăра кам кăна хăнара пулмарĕ: Хĕрлĕ Калпак, кашкăр, салтак-паттăр... Ачасем те, ашшĕ-амăшĕсем те тĕрлĕ конкурссемпе викторинăсене хутшăнчĕç. Чăнахах та вĕсем юмахсене вулама юратнине хăйсен хуравĕсемпе çирĕплетрĕç. Пирĕн мероприятинче ачасене пылак кучченеçсемпе ялти «Натали» киоск хуçи хăналарĕ.