26 марта 2010 г.
Тикаш шкулĕнче «Атьăр-ха, хĕрсем!» конкурс ирттересси çинчен калаçрĕç.
Акă кĕтнĕ кун та çитрĕ. Эпир иртенпех чупкаларăмăр. Конкурса хутшăнма пурте хатĕр.
Уроксем хыççăн класс ушкăнĕсем пĕр çĕре пуçтарăнчĕç. Камсем кăна çук кунта; «Чи лайăххисем», «Вĕçĕ-хĕррисĕррисем» (акăлчан чĕлхипе çырнă) тата саккăрмĕшсемпе тăххăрмĕшсем!, «Супер - хĕрсем», «Ăнăçлисем». Мероприятие Л.Иванова уяв ячĕпе саламласа пуçларĕ, унтан конкурс йĕркипе паллаштарчĕ. Эпир хамăра юмахри пекех туйрăмăр. Темле йывăрлăхсене çĕнтерме те лекрĕ вара: апат хатĕрлесси, хамăртан кĕçĕнреххисене пăхасси, илемлĕ прическа туса хатĕрлесе ун çинчен каласа парасси, тĕрлĕ ыйтусем çине хуравласси... Конкурс тăршшĕпех эпир пĕр-пĕринпе çивĕч тупăшрăмăр. Кашниех хамăр ăсталăха кăтартнисĕр пуçне тавра-курăма пуянлатрăмăр. Чи маттурри вара 8-мĕш класс ушкăнĕ пулчĕ.