19 марта 2010 г.
Пирĕн республикăра 297 Çырав комиссийĕ (29-шĕ - район-хула округĕнче, 268-шĕ - хула-ял тăрăхĕнче). Вĕсем 1300 ытла лару ирттернĕ.
2009 çулхи ĕçсене туллин пурнăçланă: адрес хуçалăхне йĕркене кĕртнĕ, çуртсене инвентаризациленĕ, Çырава районланă, унăн пĕтĕмĕшле планне хатĕрленĕ.
Вăхăтлăх персонал-регистраторсем çуртсен списокне тата картографи материалĕ вĕсене мĕнле вырнаçтарнипе пĕр килнине тĕрĕсленĕ. Тупса палăртнă 20,5 пин тÿрлетĕве схема планне кĕртнĕ, вĕсене шута илсе картографин çĕнĕ материалне йĕркеленĕ. Тĕплĕ тишкернĕ ĕçлĕ хутсене тĕпе хурса Çырава районланă тата Чăваш Республикин пĕтĕмĕшле планне хатĕрленĕ. Унпа килĕшÿллĕн Çыравăн - 206, инструкторсен - 797, шутлавăн - 3172, стационарăн 631 участокне тумалла. Асăннă мероприятие хатĕрленсе ирттерме вăхăтлăх ĕçченсем 5,6 пин кирлĕ: участок ертÿçисем - 262, 917 инструктор-контролер, 4,4 пин - çыравçă.
Адрес хуçалăхне йĕркелесси малалла пырать. Халиччен тĕрĕсленĕ 250,7 çуртран пинĕшĕнче çитменлĕх тупса палăртнăччĕ. 2010 çул пуçланнă тĕле ку хисеп 4,2 пине çити чакнă. Вĕсене йĕркене кĕртме финансăн тĕрлĕ çăл куçĕсенчен 5 миллион ытла тенкĕ тăкакланă. Хатĕрленÿ тапхăрĕнче халăх йышĕн 98,7 процентне тĕрĕсленĕ. 2009 çул вĕçĕнче регистраци йĕркине хулара пăснă 8,6 пин çын тупса палăртнă, ялта пурăнакансенчен 1,8 пинĕшне хуçалăх кĕнекисене кĕртмен е вĕсенчен кăларман.
Çыравччен вăхăт нумаях юлмарĕ. Ăна хатĕрленес енĕпе кăçал пурнăçламалли ĕçсем чăннипех яваплă. Анчах çине тăрсан пурте вĕсем вăхăтра тата пахалăхлă пурнăçланĕç.