Публикации » Пулас олимпиецсене шкулта пиçĕхтермелле

16 марта 2010 г.

«Чи пахи пурнăçра сывлăх. Сывлăхлă пулас тесен сывă пурнăç йĕркине тытса пымалла, усăллă занятисем ирттермелле. Ванкуверта иртнĕ хĕллехи Олимпиадăри результатсем кăтартнă тăрăх, пулас чемпионсене шкул саккинченех спорт енĕпе пиçĕхтермелле», - тет Тикашри тĕп шкулти физкультура учителĕ О.Мефодьев. Çакăн пек занятисенчен пĕри вăл биатлон - йĕлтĕрпе чупса тата пăшал персе ăмăртни. Йĕлтĕрпе чупмалли юлашки кунсем юлчĕç. Вĕсемпе туллин усă курса юлмалла. Март уйăхĕн пуçламăшĕнче Тикашри стадионта ял ачисем хушшинче «Çамрăксем - сывă пурнăç йĕркишĕн» акци йĕркипе биатлон енĕпе ăмăрту иртнĕ. Чи малтан 5-7 класс ачисем ăмăртнă, унтан 8-9 класрисем. Икĕ тапхăрти ăмăртусенче те 5-мĕш класс вĕренекенĕсен командисем çĕнтернĕ. Олег Геннадьевич çĕнтерÿçĕсене тутлă тортсем панă.