05 марта 2010 г.
«Вăрмарти халăха социаллă пулăшу паракан центрĕн» Арапуçĕнчи вăхăтлăх пурăнмалли уйрăмĕнче Святуй Валентин кунĕ ячĕпе «Юратăвăн яланхи вăрттăнлăхĕ» конкурс ирттернĕ. Мероприятие кунта пурăнакан 4 асаттепе-кукаçи тата 4 асаннепе-кукамай хутшăннă. «Паллашу», «Мăшăрсене ыйтусем», «Лабиринт», «Хăвăн мăшăрна туп» конкурссем йĕркеленĕ.
Ватăсем савăнсах хăйсен пултарулăхне кăтартнă. Кам сăвă вуласа, юрласа, ташласа, кам купăспа каласа кăтартнă. Хăйсен çамрăклăхне, пĕрремĕш юратăвне, пĕрремĕш чуп тунине аса илнĕ.
Мероприяти тутлă кукăльпе чей ĕçнипе вĕçленнĕ.
х х х
Çак центртах Çĕршыв хÿтĕлевçин кунĕ ячĕпе «Салтак пулма çуралмаççĕ, салтак пулса тăраççĕ» ятпа вăйă программи ирттернĕ. Кунта пурăнакансене Г.Чернова директор çумĕ саламланă, арçынсене çирĕп сывлăх, ăнăçу, телей, юрату суннă.
Конкурс участникĕсем савăнсах хăйсен служба çулĕсене, çапăçусене хутшăннисене аса илчĕç. Ф.Клементьев куççульленсех илнĕ хăйсем Тăван çĕршыва хÿтĕлени çинчен каласа парса. «Тивертеймесĕр ан юл», «Кам лайăхрах тата хăвăртрах тÿме çĕлейрет» ятпа тĕрлĕ конкурссем ирттернĕ. Самай çулланнă арçынсем вăрçă вăхăтĕнчи юрăсемпе савăнтарнă.
Уяв вĕçĕнче пур арçынна та парнесем панă.