Публикации » Боксер çитĕнĕвĕ

05 марта 2010 г.

Вăрмар районĕнчи çамрăксемшĕн бокс спорчĕ ют мар. 1968 çултах Пинерте çуралса ÿснĕ В.Соколов Мехикăри çуллахи XIX Олимп вăййисенче ылтăн медаль çĕнсе илчĕ. Пĕр вăхăт бокса аталантарас енĕпе В.Пахмутов тренер та сахал мар тăрăшрĕ. Халĕ вара Кивĕ Вăрмар ялĕнче çуралса ÿснĕ, Шупашкарта пурăнакан Геннадий Меркурьевич Николаев «Илем»физкультурăпа спорт комплексĕнче бокс секцийĕ йĕркелерĕ. Çак кунсенче Шупашкарта 1994-1995 çулсенче çуралнă çамрăксем хушшинче СССР тава тивĕçлĕ тренерĕн М.Степановăн призĕсене çĕнсе илессишĕн оборонăллă массăллă уйăхлăха хутшăнса Пĕтĕм Раççейри уçă турнир ирттернĕ. Вăрмар поселокĕнчи «Алмаз сапаланчăкĕсем» спорт клубĕн воспитанникĕ, Вăрмарти пĕрремĕш вăтам шкулта 9 д класра вĕренекен Константин Павлов пысăк çитĕнÿ тунă. 58 килограмм таран таякан спортсменсем хушшинче пĕрремĕш вырăн йышăннă. Тунă çитĕнÿре Г.Николаев тренерăн тÿпи уйрăмах пысăк.