05 марта 2010 г.
Райпон кирек хăш отраслĕнче пахалăха тĕп вырăна хураççĕ. Аталанура ку уйрăмах пĕлтерĕшлĕ. Акă райпон «Заря» лавккинех илер. Кунти В.Степанова заведующи, Е.Федорова, Р.Сорокина, Н.Казанова, Н.Семенова, Н.Васильева сутуçăсем туянакансене райпо предприятийĕсем туса кăларнă продукцисене сĕнеççĕ. Тавар ассортименчĕ те пуян. Иртнĕ çулхи кăтартусем те курăмлă вĕсен. Хăтлă лавккара тавар та лайăх сутăнать. Ăна тултан та, шалтан та юсаса çĕнетнĕ, çĕнĕ витринăсем, хальхи оборудовани вырнаçтарнă. Чи пахи - тавара ирĕклĕ майпа суйласа илме май пурри. Халăх лавккапа питĕ кăмăллă, хуларинчен нимĕнпе те кая мар тесе палăртать.
Сутуçăсене ĕçлеме те условисем çителĕклĕ, тавар вырнаçтарма, упрама меллĕ лавккасем уçăлни - чăннипех пĕлтерĕшлĕ пулăм. Райпо лавккисем шăпах çак пахалăхпа, хăтлăхпа тата сутуçăсен тараватлăхĕпе уйрăлса тăраççĕ те ĕнтĕ.