26 февраля 2010 г.
Аслă Отечественнăй вăрçăра Çĕнтерÿ тунăранпа 65 çул çитнĕ тĕле Раççей Почти ветерансене тÿлевсĕр çырусем ямалли хăйне евĕрлĕ виç кĕтеслĕх-конвертсем парнелĕ.
Кашни ветерана саламласа ямалли «Почта тарифĕсене тÿленĕ» тесе паллă тунă виç кĕтеслĕх-конвертсем парĕç. Раççей территорийĕнче пурăнакансем патне янă чухне вĕсем çине марка çыпăçтармалла мар. Конверт формине ятарласа ветерансем хăйсен çамрăклăхне, çапăçура пĕрле хутшăннă юлташĕсене, фронтри почтăна аса илччĕр тесе хатĕрленĕ. Çак конвертсен тиражĕ 1,5 миллион экземпляр пулĕ.