02 февраля 2010 г.
Иртнĕ çул район администрацийĕн архивсем енĕпе ĕçлекен секторĕ чылай ĕçсем туса ирттерчĕ. 18 организацирен управлени докуменчĕсене 635, уйрăм çынсенне 659 ĕç упрама йышăннă. Вĕсене пурне те опись тумалли йĕркепе пурнăçланă. Çулталăк тăршшĕпе 17 организацире ялан упрамалли 706 ĕçе опись тунине çирĕплетнĕ, уйрăм çынсем пирки 900 ĕç пирки килĕшсе татăлнă. Сектор пĕтернĕ патшалăхăн мар организацисемпе ĕçлет.
Хула, ял тăрăхĕсенче делопроизводство тата архив ĕçĕсене туса пырассине лайăхлатас тĕлĕшпе специалистсемпе вĕренÿ йĕркеленĕ. 4 комплекслă, 4 тематикăлла тата 4 контрольлĕ тĕрĕслев ирттернĕ. Организацисенче документсене çухатнă тĕслĕхсене тупса палăртман. Çынсене пурĕ 55 консультаци панă. Районта хăш-пĕр улшăнусем пулса иртнине пула (реорганизаци, çĕнĕлле йĕркелени, организацие пĕтерни) архивра çĕнĕ список тунă. Унта халĕ 12 организаци шутланать.
2009 çулхи декабрĕн 1-мĕшĕ тĕлне ведомствăсенчи архивсене паспортизациленĕ. Архив ĕçĕсен секторне районти организацисен 42 паспорчĕ хутшăннă, ведомство архивĕсенче упранакан документсене тĕрĕслесе тухнă хыççăн пĕтĕмĕшле таблица тунă.
Иртнĕ çул «Архив фончĕ» комплекс программипе архив докуменчĕсене учета илессине автоматизацилес енĕпе малалла ĕçленĕ. Çулталăк пуçланнăранпа архив фондне упрама 2002 ĕç хунă. Отчетлă тапхăрта ял хуçалăх предприятийĕсенче пурĕ 248 ĕçе хатĕрлесе хунă, управленин 12 ĕçне яланлăха упрама опись тунă, 29 çын архив информацийĕ илнĕ. Вĕсене 307 ĕç панă.
2009 çулта архивсен секторне 56 тематикăлла тата социаллă право енĕпе 1208 ыйту килнĕ. 56 тематикăлла тата 1146 социаллă право енĕпе ыйтусене тивĕçтернĕ, вĕсенчен 1066-шне - лайăх результатпа.