02 февраля 2010 г.
Районти тĕп библиотекăра вăй хуракансем шкул ачисемпе, инвалидсемпе, пенсионерсемпе тĕрлĕрен мероприятисем тăтăшах ирттереççĕ. Чи пĕлтерĕшлисенчен пĕри вăл - право ыйтăвĕсемпе йĕркеленĕ «Ырă канашсем» лектори. Вăл 2007 çултанпах ĕçлет. Занятисене кашни уйăхрах юлашки юн кунĕнче ирттереççĕ. Унăн занятийĕсене районти социаллă хÿтлĕх пайĕн, РФ Пенси фончĕн районти управленийĕн руководителĕсемпе специалисчĕсене, пурăнмалли çурт-йĕрпе коммуналлă хуçалăх, «Урмарытеплосеть» предприятин ĕçченĕсене тата ыттисене чĕнеççĕ. Вĕсем лекторине килнĕ çынсен ыйтăвĕсем çине тулли хуравсем параççĕ.
Çак кунсенче лекторин черетлĕ ларăвĕ иртрĕ. РФ Пенси фончĕн районти управленийĕн пай начальникĕ В.Капитонов пухăннисене валоризаци итогĕсемпе тĕплĕн паллаштарчĕ, социаллă тÿлев çинчен ăнланмалла каласа пачĕ, ыйтусем çине туллин хуравларĕ.
Тĕп библиотекăн информаци пайĕн заведующийĕ С.Щербакова пенси ыйтăвĕсемпе хаçат-журналсенче пичетленнĕ материалсемпе паллаштарчĕ.