22 января 2010 г.
Пĕр мандатлă 6-мĕш Куславкка суйлав округĕпе иртекен хушма суйлавра Чăваш Республикин Патшалăх Канашĕн депутачĕ пулма çак кандидатсене регистрациленĕ:
Леонид Максимович Григорьев. Куславкка районĕнчи Тĕрлемес станцийĕнче 1958 çулта çуралнă, Шупашкар хулинче пурăнать. «Чăвашметалл» акционерсен уçă обществин генеральнăй директорĕ. Л.М.Григорьев кандидатурине «Справедливая Россия» партин регионти уйрăмĕ тăратнă.
Сергей Михайлович Николаев. 1977 çулта çуралнă, Шупашкарта пурăнать. «Фиеста» тулли мар яваплă обществăн генеральнăй директорĕн право ыйтăвĕсемпе ĕçлекен заместителĕ. ЛДПР партин регионти уйрăмĕ тăратнă.
Аса илтеретпĕр, маларах ЧП Патшалăх Канашĕн депутачĕ пулма А.В.Разумов тата В.Е.Длинов кандидатурисене тăратнăччĕ.