Публикации » Ĕçе вĕçне çитерни лайăх

18 декабря 2009 г.

Чукун çул вокзалне хута ярассине Вăрмарсем чăтăмсăррăн кĕтеççĕ. Çавăнпа та Свердлов тăкăрлăкĕпе урамĕ хĕресленнĕ вырăнти колонка патĕнчен шыв пăрăхĕсем хума тытăнсан çак тăрăхра пурăнакансем кăна мар, ытти Вăрмар çыннисем те савăнчĕç пулĕ - эппин вокзала тăвасси вĕçленсе пырать. Çапах кашни япалах икĕ вĕçлĕ иккен, лайăххипе пĕрлех начарри те юнашар. Шупашкарти «АСТЭК» тулли мар яваплă общество ĕçченĕсем пăрăхĕсене хурасса хучĕç-ха, анчах колонка умĕнчен чавса кăларнă тăпрана кирлĕ пек тикĕслесе якатса хăвармарĕç. Халĕ Свердлов урамĕпе тăкăрлăкĕнче пурăнакансен те, кунти юнашар организацисенче ĕçлекенсен те колонка умне шыв ăсма муклашкаллă «качака» сукмакĕсемпе пыма тивет. Вăл çеç те мар - тăпра купи çинче урлă-пирлĕ выртакан бетон плитасем автомашинăсене иртсе çÿреме чăрмав кăларса тăратаççĕ. Ĕçе хăçан та пулса вĕçне çитерме вĕренсе çитетпĕр-ши тата ăна кам вĕçлĕ - шыв кĕртнĕ «АСТЭК», вокзал çуртĕнче ĕçсем пурнăçлакан СУОР тулли мар яваплă обществăсем е урăх организаци; Çĕнĕ çула вăрçă вăхăтĕнчи пек «баррикадăпа» кĕрес марчĕ.