12 декабря 2009 г.
«2012 çулчченхи ялсен социаллă аталанăвĕ» программăпа килĕшÿллĕн ялта пурăнакан çамрăк çемьесене тата çамрăк специалистсене çурт-йĕр çавăрма федераллă, республика, район бюджечĕсенчен укçа-тенкĕ чылай уйăраççĕ. Унпа вара çамрăк çемьесем хăтлă çурт-йĕр çавăраççĕ, хваттер туянаççĕ. Сăмахран, çак программăпа 2006 çулта - 18, 2007 çулта - 19, 2008 çулта - 23, 2009 çулта 20 çемье свидетельствăсем илнĕ. Район администрацийĕ çамрăксене çурт-йĕрпе тивĕçтерессипе тĕллевлĕ ĕçлет. Çак программăпа килĕшÿллĕн кăçал çурт-йĕр çавăрма, хваттер туянма пурĕ 12 çемье 6 миллион та 253 пин те 510 тенкĕлĕх каялла тавăрса памалла мар субсиди илнĕ. Акă нумаях пулмасть Кĕтеснерти культура çуртĕнче вăй хуракан Э.Пегеевана та хăтлă çурт-йĕр çавăрма 535 пин те 999 тенкĕ панă.
«2012 çулчченхи ялсен социаллă аталанăвĕ» программăпа пурăнмалли çурт-йĕр условисене лайăхлатма ялта пурăнакан тата унтах ĕçлекен 8 çемье федераллă тата вырăнти бюджетран 2 миллион та 678 пин те 70 тенкĕ каялла тавăрса памалла мар субсиди илнĕ. Вĕсенчен пĕри - Арапуç ял тăрăхĕнче пурăнакан, «Арабоси» агрофирмăра механизаторта тăрăшса вăй хуракан А.Васильев та çурт-йĕр çавăрма ку пулăшăва тивĕçнĕ.
«Раççей гражданĕсене - хăтлă çурт-йĕр» приоритетлă наци проекчĕ пирĕн районта тĕллевлĕ пурнăçланса пырать. «Пурăнмалли çурт-йĕр» федераллă тĕллевлĕ программăпа килĕшÿллĕн 8 çемье 3 миллион та 539 пин те 880 тенкĕлĕх свидетельствăсем илнĕ. Асăннă программăн «Çамрăк çемьесене пурăнмалли çурт-йĕрпе тивĕçтересси» хушма программине пурнăçласа 4 çемьене 710 пин те 500 тенкĕлĕх пулăшу кÿнĕ.
Пĕтĕмĕшле каласан, кăçал çурт-йĕр ыйтăвĕпе ĕçлекен федераллă, республика пĕлтерĕшлĕ программăсене вĕçленĕ.