25 ноября 2009 г.
«Вăрмар районĕнчи халăхăн социаллă ыйтăвĕсене тивĕçтерекен центр» Чăваш Республикин сывлăха сыхлас ĕç тата социаллă аталану министерствин республикăри патшалăх учрежденийĕнче вăй хуракансем ватă çынсене, инвалидсене социаллă пулăшу, хÿтлĕх парассипе, вĕсен канлĕхне май пур таран упрассипе тăрăшаççĕ. Кашни уявпа, паллă кунсемпе саламлаççĕ, вĕсем валли тĕрлĕ мероприятисем йĕркелеççĕ. Кун пек уявсем ирттересси йăлана кĕнĕ темелле.
Акă, нумаях пулмасть, Арапуçĕнчи вăхăтлăх пурăнмалли уйрăмра васкавлă социаллă пулăшу паракан уйрăмри ĕçченсем ертсе пынипе «Кĕрхи бал» туса ирттерчĕç. «Кĕрхи бала» хутшăнакансем - кунта пурăнакан ватăсем тата çемьесене, ачасене социаллă пулăшу паракан Арапуçĕнчи центрăн ачисем пулчĕç. Вĕсем пурте тĕрлĕ конкурссенче, вăйăсенче хутшăнса куракансене хăйсен пултарулăхĕпе тата хаваслăхĕпе тĕлĕнтерчĕç, юрласа, ташласа савăнтарчĕç.
Юлашкинчен ачасем ватăсене хăйсен аллисемпе ăсталанă парнесене парнелерĕç. Пурте кăмăллă пулчĕç.