25 ноября 2009 г.
«Хĕрлĕ ялав» хаçатăн кăçалхи 112-113 номерĕсенче тухнă «Чун кÿтнипе çуралнă йĕркесем» ятлă корреспонденцире Тупахри Н. Ложкина, Е. Матвеева, И. Антипова, Ю. Матвеева ялти ача сачĕ малашлăхĕ пирки пăшăрханса çырнăччĕ. Çак çыру çине район пуçлăхĕн заместителĕ - вĕрентÿпе çамрăксен политикин пайĕн начальникĕ Ю.СОКОЛОВ çапла хуравларĕ:
«Район пуçлăхĕн В.Кирилловăн 2009 çулхи июнĕн 30-мĕшĕнче кăларнă 371" хушăвĕпе Тупахри пуçламăш шкул - ача садне Кĕлкешри Н. А. Афанасьев ячĕллĕ шкулпа пĕрлештернĕ. 2009-2010 вĕренÿ çулĕнче ача сачĕ хальхи пекех Тупах ялĕнчех ĕçлет.
2010- 2011 вĕренÿ çулĕнче Тупахри ача садне Кĕлкешри шкула куçарас ыйтăва районти вĕрентÿ учрежденийĕсене реструктуризаци тумалли планпа килĕшÿллĕн пăхса тухĕç».