Публикации » Вăрлăх хатĕрлеççĕ, патшалăха тырă сутаççĕ

22 августа 2009 г.

Мăнçырмари «Павлов В.Ф.» хресчен (фермер) хуçалăхĕнче 500 гектар çинчи кĕр тыррисене пухса кĕртнĕ ĕнтĕ. Халĕ çурхи культурăсене выраççĕ. Йĕтемре выртакан тухăçлă çитĕннĕ сап-сарă тырă куçа савăнтарать. Халăх йышлă ĕçлет кунта. Хăшĕсем вăрлăх хатĕрлеççĕ, теприсем патшалăха сутма автомашина çине тырă тултараççĕ. Рабочисене Мăнçырмари вăтам шкулта вĕренекенсем пулăшаççĕ. Николайпа Петр Демидовсем сортировкăсене тухăçлă ĕçлеттереççĕ. Н.Павлов электрик хăйĕн ĕçĕнче тăрăшуллă. Хуçалăхăн тĕп агрономĕ Л.Синичкина та вĕсемпе пĕрлех вăй хурать, хавхалантарса пырать.