Публикации » Ÿркенмен ăста

05 августа 2009 г.

Ÿркенмен çын тем те тума пултарать çав. Уйрăмах халĕ, компьютер технологийĕ вăй илнĕ тапхăрта. Хăшĕ-пĕри пралуклă радио каялла таврăнасса кĕтсе ларнă хушăра (Унăн малашлăхĕ çук. ЧР Президенчĕпе тÿрĕ лини ирттернĕ чухне çакăн пирки панă ыйту çине Культура министерствинчен панă хуравра татăклăн каланăччĕ. Халĕ эфира УКВ 72,41 МГц, FM 105,0 МГц хумсем çинче «Чăваш Енĕн наци радиовĕ» тухать). Александр Матвеев компьютер урлă интернета кĕрекенсем валли «Вăрмар радиовĕ» йĕркеленĕ. Талăкĕпех унта çамрăксен кĕвви-юррине итлеме пулать. 15-16 сехетсенче вара чăваш эстрада юррисем шăранаççĕ. Интернет-радион адресне асра тытма та çăмăл: www.urmary.ru. Унсăр пуçне чатпа форум пур. Финанс тĕлĕшĕнчен Сашăна «Диалог Софт» тулли мар яваплă общество пулăшса пырать.