22 июля 2009 г.
2009 çулхи иккĕмĕш çур çулшăн хаçат-журнал çырăнтармалли кампани ăнăçлă вĕçленчĕ. Çав шутра районта тухса тăракан «Хĕрлĕ ялав» хаçата çырăнтарасси те. Çакăн çинчен Раççей почтин кунĕ ячĕпе ирттернĕ çыхăну ĕçченĕсен савăнăçлă пухăвĕнче районти почтамт начальникĕ С.Риманов пĕлтерчĕ.
Вăл ĕçри çитĕнÿсемшĕн тата нумай çул тухăçлă ĕçленĕшĕн Вăтакасри çыхăну уйрăмăн начальникне З.Никитинана «Раççей Почти» федерацин патшалăх управленийĕн Хисеп грамотипе наградăларĕ, Кĕтеснерти çыхăну уйрăмĕн начальникне Н.Николаевана «Раççей Почти» федерацин патшалăх управленийĕн Чăваш Республикинчи филиалĕн, Пысăк Енккассинчи тата Кавалти çыхăну уйрăмĕсенчи С.Яковлевапа Н.Алексеева почтальонсене районти почтамтăн Тав çырăвĕсем тата хаклă парнесем пачĕç.
Савăнăçлă уява çавăн пекех РФ Пенси фончĕн районти управленийĕн начальникĕ Г.Усков, Куславкка районĕнчи «Ялав» хаçатăн тĕп редакторĕ В.Константинов хутшăнчĕç, праçник ячĕпе саламласа парнесем пачĕç.
Районти «Хĕрлĕ ялав» хаçатăн тĕп редакторăн ĕçĕсене вăхăтлăха туса пыракан В.Толматов районти почтамтри хаçат-журнал çырăнтарас енĕпе ĕçлекен инструктора, В.Лаврентьевана ĕçри хастарлăхшăн редакци ячĕпе парне парса чыс турĕ.