11 июля 2009 г.
Пирĕн коллектив çак праçнике хăйĕн ĕçри кăтартăвĕсене лайăхлатнипе кĕтсе илме тăрăшрĕ.
Кăçалхи пĕрремĕш çур çулта, иртнĕ çулхи çав вăхăтрипе танлаштарсан, тупăш ытларах илтĕмĕр. Тÿрех калас пулать, пурте хăйсен ĕçне пĕлсе, тÿрĕ кăмăлпа пурнăçласа пыраççĕ. Уйрăмах Арапуçĕнчи (начальникĕ Н.Ионова), Аслă Чакри (Н.Никитина), Урнарти (Т.Ананьева), Шăхальти (Л.Михайлова) çыхăну уйрăмĕсен ĕçченĕсене асăнас килет. Çитĕнÿ тума почтамт начальникĕн заместителĕ Л.Кириллова, операторĕсем: Л.Сергеева, В.Лаврентьева, эксплуатаци енĕпе ĕçлекен инструктор Е.Дмитриева, кадрсен пайĕн пуçлăхĕ Н.Степанова, З.Ионова тĕп бухгалтер тата ыттисем пысăк тÿпе хываççĕ.
Администраци тата профсоюз комитечĕ ячĕпе пур почта ĕçченĕсене те, ветерансене те Раççей почтин кунĕ ячĕпе саламласа ĕçре ăнăçусем, çирĕп сывлăх сунас килет.