Публикации » "Выльăхсем тутă хĕл каçчăр",–

08 июля 2009 г.

теççĕ Шăхальсем. Вĕсем выльăхсем валли кашни çулах ытлă-çитлĕ утă-улăм хатĕрлеççĕ. Кăçал та 300 тонна ытла утă хатĕрленĕ. Акă халĕ сенаж хывнă çĕрте хĕрсех ĕç шавĕ кĕрлет. Эпир пынă кун Ю.Иваншкин механизатор ХТЗ-Т150К тракторпа бульдозер кăкарса сенаж хывнă çĕрте ĕçлет.  Г.Николаев МТЗ-82 тракторпа, О.Александров ГАЗ-53 автомашинăпа çулнă курăка сенаж хывнă çĕре турттарса тăраççĕ. КСК-100 тракторпа В.Поршевпа Г.Иваншкин вăхăтра çулса ĕлкĕрсе пыраççĕ. Паянхи куна вĕсем 500 тонна яхăн сенаж хывнă та ĕнтĕ. Акăнмасăр выртакан пĕр гектар çĕр те çук вĕсен. Тăрăшмасăр, вăй хумасăр нимĕн те пулмасть тенĕ пек пур çĕре те ĕлкĕреççĕ Шăхальсем. Нумаях пулмасть Патăрьелĕнче иртнĕ "Уй-хир куравĕ-2009" выставкăна та хутшăнчĕç. Утă-улăмне, тырри-пуллине хăйсем валли те, сутлăх та хатĕрлеççĕ. Кăçал та хăйсем туса илнĕ ял хуçалăх таварĕсене сутса укçа-тенкĕллĕ пулса майлаштарса пурăнаççĕ. Кризис вăхăтĕнче те Шăхальсем аптрамаççĕ. Ĕçе йĕркелеме пĕлеççĕ.