04 июля 2009 г.
Кăçал Республика кунне пирĕн районта ирттерни ăнсăртран мар. Çак тивĕçе иртнĕ çул пирĕн район социаллă пурнăçпа экономика аталанăвĕ енĕпе районсем хушшинче мала тухнипе çĕнсе илнĕ. Çав кун районта тĕрлĕрен мероприятисем нумай пулчĕç.
Республика кунĕнче РФ Пенси фончĕн пирĕн районти управленийĕнче курав конференцийĕ иртрĕ. Унтан Пенси фончĕн районти управленийĕн специалисчĕсем, «Раççей пенсионерĕсен союзĕ» тулли мар яваплă обществăн регионти уйрăмĕн пирĕн районти полномочиллĕ представителĕ Р.Васильева, районти ветерансен канашĕн председателĕ Л.Кугушев, патшалăх учрежденийĕсен ĕçченĕсен профсоюзăн районти организацийĕн председателĕ Л.Голубева, Пĕтĕм Раççейри «Единая Россия» политика партийĕн вырăнти уйрăмĕн ĕç тăвакан комитечĕн руководителĕ И.Иванов, пенсионерсем, страхлакансем, хăйсене страхланă çынсем тата ыттисем хутшĕнчĕç.
Пухăннисене тата Вăрмар районĕнче пурăнакансене Республика кунĕ ячĕпе РФ Пенси фончĕн республикăри уйрăмĕн управляющийĕ Р.Кондратьева саламларĕ. Вăл пенси законодательствинчи улшăнусем çинчен каласа пачĕ.
Пирĕн енчен «Регионсем - пĕр-пĕринпе чикĕсĕр килĕштерсе пурăнаççĕ» выставкăн павильонне пуçтарăннисене Республика кунĕ ячĕпе РФ Пенси фончĕн районти управленийĕн начальникĕ Г.Усков тата «Раççей пенсионерĕсен союзĕ» тулли мар яваплă обществăн регионти уйрăмĕн пирĕн районти полномочиллĕ представителĕ Р.Васильева саламларĕç.
Хăйсене интереслентерекен ыйтусем çине пирĕн районта пурăнакан Л.Кугушев, Ю.Ахвандеров, Н.Трофимова, Ю.Павлов, О.Смирнова, Е.Лаврентьев, Г.Владимиров, Е.Лаврентьев, Н.Алексеева, И.Васильева, Л,Клементьева, В.Капитонова, Н.Миронов тулли хуравсем илчĕç.