01 июля 2009 г.
2010 çулта Раççейре Халăх çыравĕ иртĕ. Федераци патшалăх статистикин республикăри управленийĕ ăна хатĕрленме пĕлтĕрех пуçăннă. Ку енĕпе районта ятарлă комисси туса хунă. Паянхи кун тĕлне урамсемпе çуртсен аншлагĕсене инвентаризациленĕ, вĕсен пахалăхне тĕрĕсленĕ.
Кăçалхи июнĕн 1–мĕшĕ тĕлне районти комиссин ларăвне – пĕрре, ял тăрăхĕсенче 15 ирттернĕ.
Хальхи вăхăтра регистраци участокĕсене йĕркелессипе ĕçлетпĕр. Районти халăха шута илессипе тимлетпĕр. Ял тăрăхĕсенче адрес хуçалăхне йĕркене кĕртме 229570 тенкĕ уйăрнă, çав шутран 146070 тенкипе усă курнă. Ялсенче çуртсен списокне тăватпăр, халăх йышне шута илетпĕр. Районти миграци службин ĕçченĕсен вăйĕпе кашни ялтах тĕрĕслев ирттернĕ. Тĕрĕслев çакна кăтартса панă: 28 çын хуçалăх кĕнеки çине çырăнман, 93 çын хуçалăх кĕнеки çинчен тухнине пĕлтермен.
Халăх çыравĕ çинчен халăха ăнлантарса парас тĕллевпе ял тăрăхĕн администраци çурчĕсенче ятарласа 16 стенд йĕркеленĕ, çавăн пекех культура çурчĕсемпе библиотекăсенче те ятарлă кĕтессем тунă.