01 июля 2009 г.
Республика кунĕнче Вăрмар центрĕнчи Тĕп лапамра ĕçре палăрнă ентешсене наградăсем пани çинчен çырнăччĕ эпир. Паян вĕсен тулли списокне пичетлетпĕр.
ЧР Президенчĕн Н.Федоровăн Указĕпе килĕшÿллĕн, вырăнти хăй тытăмлăха аталантарас енĕпе пархатарлă ĕçсемшĕн Арапуç ял тăрăхĕн пуçлăхне Юрий Аполлонович Иванова «Чăваш Республики умĕнчи тава тивĕçлĕ ĕçсемшĕн» орден медалĕпе наградăланă. «Шигали» ЯХПК трактористне Геннадий Яковлевич Николаева «Чăваш Республикин тава тивĕçлĕ механизаторĕ», «Урмарская» ăратлă кайăк-кĕшĕк фабрики» патшалăх унитари предприятийĕн водительне Николай Витальевич Якимова «Чăваш Республикин ял хуçалăхăн тава тивĕçлĕ ĕçченĕ» хисеплĕ ятсем панă.
Чăваш Республикин Президенчĕн Хушăвĕпе агропромышленность комплексĕнче тÿрĕ кăмăлпа нумай çулсем хушши ĕçленĕшĕн «Урмарская» ăратлă кайăк-кĕшĕк фабрикинче инкубаци цехĕн заведующине Татьяна Михайловна Васильевана тата районти автошкул начальникĕн заместительне Владислав Алексеевич Шашкина Тав тунă.
Агропромышленность системинче тÿрĕ кăмăлпа нумай çулсем тăрăшнăшăн, агропромышленноçа аталантарма нумай вăй хунăшăн «Арабоси» агрофирма» тулли мар яваплă обществăри водителе Виталий Апполонович Иванова Раççей Федерацийĕн Ял хуçалăх министерствин Хисеп грамотипе наградăланă.
Чăваш Республикин Ял хуçалăх министерствин Хисеп грамотипе «Шигали» ял хуçалăх производство кооперативĕнчи кадрсем енĕпе ĕçлекен инспектора Ольга Федоровна Быстрована, «Арабоси» агрофирма» тулли мар яваплă обществăн трактористне Леонид Николаевич Виссарионова, район администрацийĕн ял хуçалăхĕпе экологи тата çĕрпе пурлăх пайĕн тĕп специалист-экспертне - тĕп агронома Николай Михайлович Николаева, хресчен (фермер) пуçлăхне Геннадий Николаевич Ямукова наградăланă.