17 июня 2009 г.
Июнĕн 11-мĕшĕнче иртнĕ район депутачĕсен Пухăвĕн ларăвне район пуçлăхĕ В.Кириллов, унăн заместителĕсем, райадминистрацин пайĕсен начальникĕсемпе секторсен заведующийĕсем, Вăрмар хула тата ял тăрăхĕсен пуçлăхĕсем, федераллă тата республикăри службăсен руководителĕсем, район прокурорĕн заместителĕ Г.Демьянов хутшăннă.
Депутатсем пухура тĕрлĕ программăсем çирĕплетнĕ. Тĕслĕхрен, Вăрмар районĕнчи «Урмарытеплосеть» муниципаллă унитарлă предприятин 2009 çулхи инвестицин хушма программине; «2009-2011 çулсенче Вăрмар районĕнче табак тата табак изделийĕсен профилактики» районăн тĕллевлĕ программине. Çавăн пекех Вăрмар районĕн Уставне, «Вăрмар районĕнчи çамрăк çемьесене 2006-2010 çулсенче пурăнмалли çурт-йĕрпе тивĕçтересси çинчен» программăна улшăнусемпе хушусем кĕртме йышăнчĕç. Тата ытти ыйтусене пăхса тухрĕç. Ларура районăн Гимнне, Гербне, Ялавне çирĕплетрĕç. Ларăва пĕтĕмлетсе район пуçлăхĕ В.Кириллов сăмах каларĕ. Сÿтсе явнă ыйтусемпе тивĕçлĕ решенисем йышăнчĕç.