Публикации » Сбербанкра парнеллĕ пулчĕç

11 июня 2009 г.

Кашни çулах июнь уйăхĕн пĕрремĕш кунĕнче Пĕтĕм тĕнчери ачасене хÿтĕлемелли куна паллă тăваççĕ. Çак праçникрен Перекет банкĕ те айккинче пăрăнса юлмасть. Кăçал та Раççей Перекет банкĕн Çĕрпÿри уйрăмĕн 4437/56 номерлĕ Хушма офисне хăйсен пĕчĕк ачисемпе килекенскерсене лайăх парнесем кĕтрĕç. А.Новосельцева аслă контролер-кассир ача-пăчана Пĕтĕм тĕнчери ачасене хÿтĕлемелли кун ячĕпе саламларĕ, сувенирсем парнелерĕ. Çитĕннисене вара «Подари жизнь» çĕнĕ вклад е «Подари жизнь» VISA картти уçма сĕнчĕç. Алина Николаевна каланă тăрăх, çак çĕнĕ пулăшупа пирĕн районти хăш-пĕр предприятисемпе организацисем усă курма пуçланă та ĕнтĕ.

Июнĕн 1-мĕшĕнчен «Ачана юмах парнеле» акци те пуçланнă. 2009 çулхи июнĕн 1-мĕшĕнчен пуçласа 10-мĕшĕччен хаклă металл укçасем туянакан клиентсене сувенирсем парса хавхалантарчĕç.