16 мая 2009 г.
Районти ытти хуçалăхсем пекех, «Сарабай» тулли мар яваплă обществăра вăй хуракансем те çурхи ака-суха ĕçĕсене хăвăртрах вĕçлессишĕн, çур акине кĕске вăхăтра тата пысăк пахалăхпа ирттерессишĕн мĕн пур вăй-халне пачĕç, çурхи культурăсене 280 гектар çине минераллă удобренисемпе хутăштарса акса хăварчĕç. Ку енĕпе В.Петров механизаторăн, В.Скворцов водителĕн, Ю.Даниловпа С.Пуклаков сеяльщиксен пултарулăхне уйрăмах палăртмалла.
- 2009 çула Çĕр ĕçченĕн çулталăкĕ тесе пĕлтернĕ. Çур акине кĕске вăхăтра тата пысăк пахалăхпа ирттерни пĕлтĕрхинчен тухăçлăрах тыр-пул çитĕнтерме май парĕ, - теççĕ хавхаланса çĕр ĕçченĕсем.