14 марта 2009 г.
Чăваш Республикин Вăрмар районĕнчи «Пурăнмалли çурт-йĕрпе коммуналлă хуçалăха ертсе пыракан компани» тулли мар яваплă обществăра пурĕ 12 çын тăрăшать. Вĕсен ĕçĕ тĕрлĕ енлĕ. Çурт-йĕрсене пăхса тăрасси, канализаци системисене, хваттерсенчи ăшă пăрăхĕсене тĕрĕслесси тата ытти те.
«Республика кунĕ çывхарса килнĕ май, кăçал пирĕн обществăн пурнăçламалли ĕçсем нумайлансах пыраççĕ. Ку чи малтанах нумай хваттерлĕ çурт-йĕрсен подъезчĕсене юсасси, юхăннă çивиттисене улăштарасси, канализаци системисене çĕнетесси. Акă нумаях пулмасть Механизаторсен урамĕнчи 14-мĕш çуртăн çивиттине витнĕ. Унсăр пуçне çак çуртăн подъезд алăкне те çĕнĕрен улăштарнă. Пĕтĕмĕшле каласан хваттер хуçисен ыйтăвĕсене туллин тивĕçтерессишĕн тăрăшатпăр. Ÿсĕм çăл куçĕ - кадрсенче. С.Васильева тĕп бухгалтер, С.Семенова кадрсем енĕпе ĕçлекен инспектор, В.Николаев мастер, Н.Васильев, А.Михайлов слесарь-сантехниксем хăйсен ĕçне пур яваплăхпа пурнăçлаççĕ», - тет Олег Витальевич Викторов пуçлăх. Эппин ку обществăна çăмăл мар ĕçре ăнăçу сунар.