07 февраля 2009 г.
терĕ район прокурорĕ Сергей Владимирович Павлов райадминистрацинче иртнĕ координациллĕ анлă канашлăва уçнă май. Унăн сăмахĕ канашлăвăн кун йĕркипе çыхăннă, мĕншĕн тесен кунта районта пулса иртекен лару-тăру пирки пычĕ калаçу. Коррупципе кĕрешесси çинчен калакан саккунсем мĕнле пурнăçланни, йывăр тата уйрăмах йывăр преступленисене хирĕç кĕрешес ĕç мĕнле шайри, çул çитмен ачасене хÿтĕлес, вĕсем преступлени çулĕ çине ан тăччăр тесе еплерех ĕçсем пыни, урамра, обществăлла вырăнсенче эрех ĕçсе çапкаланса çÿрессине чакарасси, вĕсем çынсем çине тапăнассине тупса палăртасси - тĕп тема пулчĕ канашлура. Ку ыйтусем пуриншĕн те çав тери яваплă, мĕншĕн тесен çак пулăмсем кашни ялтах, урамрах, шкултах, килтех кĕтмен çĕртен килсе тухма пултараççĕ. Çавăнпа та канашлăва район пуçлăхĕ В.Кириллов, район депутачĕсен Пухăвĕн председателĕ Г.Тимофеев, Чăваш Республикин прокуратурин коррупципе кĕрешесси çинчен калакан саккунсем мĕнле пурнăçланнине тĕрĕслекен пайĕн начальникĕ С.Павлов, район прокурорĕ С.Павлов, Чăваш Республикин шалти ĕçсен министерствин экономикăлла преступление хирĕç ĕçлекен оперативлă шырав пайĕн начальникĕ А.Руссаков, районти шалти ĕçсен пайĕн начальникĕ И.Константинов, Раççей Федерацийĕн прокуратури çумĕнчи шырав комитечĕн Чăваш Республикинчи шырав Управленийĕн Канашри районсем хушшинчи пайĕн руководителĕ В.Долгов, район пуçлăхĕн заместителĕ - вĕрентÿ тата çамрăксен политикин пайĕн начальникĕ Ю.Соколов, район Пухăвĕн депутачĕсем, Вăрмар хула, ял тăрăхĕсен пуçлăхĕсем тата ытти чĕннĕ хăнасем хутшăннă. «Коррупцие хирĕç хушма мерăсем» çинчен район прокурорĕн заместителĕ Г.Демьянов тухса калаçрĕ. Геннадий Иринархович ку енĕпе районта мĕнлерех ĕçсем туса ирттерни тата умра тăракан задачăсем пирки чарăнса тăчĕ. Ку ыйтупа ЧР прокуратурин пайĕн начальникĕ С.Павлов тухса калаçрĕ. Республикăра коррупцие хирĕç кĕрешесси пурне те интереслентерчĕ. Район прокурорĕн помощникĕ Ю.Никифоров преступление хирĕç кĕрешес енĕпе районти прокуратурăпа право йĕркине сыхлакансен ĕçĕ-хĕлĕ çинчен каларĕ, хăш-пĕр çитменлĕхсене палăртрĕ. Район пуçлăхĕ В.Кириллов преступлени тăвасран сыхланмалли профилактикăлла мероприятисене вăйлатмалли çинчен пĕлтерчĕ. Умра - Республика кунĕ. Пысăк пĕлтерĕшлĕ мероприятие тивĕçлипе кĕтсе илсе ирттерсе ямаллине асăрхаттарчĕ. Çак ĕçсене тума пурин те çине тăмаллине палăртрĕ. Район прокурорĕ С.Павлов кун йĕркинчи ыйтусем пирки тĕплĕн чарăнса тăчĕ, яваплисенчен çирĕп ыйтмаллине палăртрĕ, малашлăх задачăсем пирки чарăнса тăчĕ.