04 февраля 2009 г.
Иртнĕ эрнекун Энĕшпуçĕнчи вăтам шкула Шупашкартан сумлă хăнасем килсе çитрĕç. Делегаци йышĕнче тăван ялăмăрта çуралса ÿснĕ, шкулта пĕлÿ пухнă, халĕ Шупашкарта тĕпленсе тĕрлĕ çĕрте ĕçлекен паллă çынсем. Хăнасем классенче пулчĕç, шкул ачисем валли хатĕрленĕ «Вĕренекенĕн кунне» ирттерме хутшăнчĕç. Вĕренекенсем умĕнче Вăрмарсен Шупашкарти ентешлĕхĕн вице-президенчĕ В.Нягин тухса калаçрĕ. «Шкул юбилейĕ - вĕренекенсен уявĕ, вĕсемсĕр шкул пулма та пултараймасть. Апла пулсан шкул юбилейĕ - ачасен чăн-чăн уявĕ», - терĕ Василий Николаевич. Ентешлĕх ячĕпе хăнасем вĕренÿре, спортра палăрнă ачасене Хисеп хучĕсемпе наградăларĕç, асăнмалăх парнесем пачĕç. Вĕрентекенсем те ачасен кăмăлĕсене çĕклесе илемлĕ те çепĕç юрăсем шăрантарчĕç.