12 ноября 2008 г.
«Единая Россия» партин ноябрĕн 20-мĕшĕнче Мускавра иртекен вуннăмĕш съезд умĕн Шупашкарта Чăваш регион уйрăмĕн 14 конференцийĕ иртрĕ. Пирĕн районтан унта партин вырăнти уйрăмĕн политканашĕн секретарĕ, район пуçлăхĕ В.Кириллов, «Арабоси» агрофирмăн генеральнăй директорĕ Г.Тимофеев, «Единая Россия» парти майлисен районти совечĕн председателĕ Ю.Ефимов хутшăнчĕç.Пухăннисем пурĕ 6 ыйту пăхса тухрĕç.
Конференцие ЧР Патшалăх Канашĕн Председателĕ, партин регион политканашĕн секретарĕ М.Михайловский уçрĕ. Кун йĕркинчи докладсене итленĕ хыççăн, вĕсене сÿтсе яврĕç. Район пуçлăхĕ В.Кириллов та тухса калани çумне чылай ырă сĕнÿ хушрĕ.
Конференци йышăнăвне çирĕплетнĕ хыççăн Пĕтĕм Раççейри X съезд делегачĕсене суйларĕç. Вĕсен йышĕнче район пуçлăхĕ В.Кириллов пулни уйрăмах савăнтарать.