Публикации » Хаçатсăр юлас мар

29 октября 2008 г.

Этем тени пăрçа яшкипе кăна тăранса пурăнмасть. Тем те кирлĕ ăна: купăста яшки, ăшаланă кăмпа, çĕр улмирен хатĕрленĕ апат-çимĕç тата ытти те. Виçĕ кинемей сак çине тухса ларнă та ялти сăмах çăмхине сÿтсе яваççĕ. Мĕн кăна пĕлтермеççĕ çаксем пĕр-пĕрне: кил-çуртри хыпарсенчен пуçласа политика таранах çитеççĕ. Думăри депутатсем татса парайман ыйтусене те шĕкĕлчеме хатĕр хайхискерсем. Час-часах тухса çÿрейменскерсем хыпар-хăнара район хаçатĕнчен пĕлеççĕ-мĕн. Пирĕн тăрăхра хальхи вăхăтра тĕрлĕ улшăнусем пулса иртеççĕ. Кашни кунах район сăн-сăпачĕ улшăнать. Лайăх енне улшăнни вара чуна савăнтарать. Малашне те çапла пулĕ. Килес çур çулшăн район хыпарçине çырăнма ĕлкĕртĕн-и-ха, хисеплĕ вулаканăм? Паян çыхăну уйрăмне каяймарăн пулсан, çакна ыран тума манса ан кай, тăванăм.