Публикации » Ватăсене хисеплетпĕр

22 октября 2008 г.

Чăваш Ен Президенчĕ Н.Федоров кăçалхи çула Ырă ĕçсен çулталăкĕ тесе пĕлтернĕ. Хуть те хăш отрасльте те ыр ĕç тумалли вырăн тупăнатех. Çакă шкулсене те пырса тивет. Усăллă та пархатарлă ĕçрен эпир нихăçан та айккинче юлман. Шкулта çамрăксене вĕрентсе, колхозра е ытти çĕрте вăй хурса ватлăхпа пенсие тухнă çынсене май килнĕ таран пулăшассине хамăрăн тивĕç тесе шутлатпăр. Эпир вĕсене пулăшма яланах хатĕр. Ачасем те хапăлласах килĕшеççĕ. Акă вĕренÿ çулĕн пуçламăшĕнче ялти 84 çулти Таисия Германовна Германована çĕр улми кăларма пулăшрĕç. Ку хутĕнче вара М.Школьникована килти пахчана тасатса ырă ĕç туса пачĕç. Мария Осиповна 30 çул ытла медицина сестринче тăрăшнă. Килте пĕчченех пурăнать, 80 çултан иртнĕ. В.Иванова класс руководителĕ ертсе пынипе 7-мĕш класра вĕренекенсем çумăрсем пуçланиччен хисеплĕ ветерана пулăшса пархатарлă ĕç турĕç.