22 октября 2008 г.
Республикăн «Чăваш Республикинчи çамрăксем 2006-2010 çулсенче» тĕллевлĕ программине пурнăçласа тата «Çамрăксем - сывă пурнăç йĕркишĕн» акцие хутшăнса Канаш хулинче призыв çулне çитмен çамрăксен спартакиадине ирттернĕ. Икĕ куна пынă тупăшусенче каччăсем граната ывăтнă, эстафетăра ăмăртнă. Çивĕч кĕрешÿре Пысăк Енккассинчи вăтам шкулта вĕренекенсем лайăх результат кăтартнă. Пурнăç хăрушсăрлăхĕн никĕсĕн (ОБЖ)учителĕ В.Иванов ертсе пынипе (тренерĕ Ю.Архипов) шкул команди иккĕмĕш вырăн йышăннă. Çарпа спорт эстафетинче Л.Ефремов, Н.Павлов, И.Федоров иккĕмĕш вырăна тухнă. Гранатăна ывăтассипе Л.Ефремов иккĕмĕш пулнă.
- Пирĕн шкулта призыв çулне çитмен çамрăксем вăй-хал енчен çирĕпленсех пыраççĕ. Раççей çарне кайма чăн-чăн каччăсем пулса çитĕнеççĕ, - хăйĕн шухăшне пĕлтерет çар ĕçне хăнăхтаракан Вячеслав Иванов учитель.