Публикации » «Литературăн кĕрхи уявĕсем»

15 октября 2008 г.

Çак ятпа районти тĕп библиотекăра уйăхлăх иртет. Унăн программи питĕ анлă. Уйăхлăхăн малтанхи кунĕсенче «Кĕрхи вулавсем. Ентешсен хайлавĕсем» ятпа мероприятисем иртрĕç те. Унăн программинче «Литературăллă Вăрмар картти», ÿнер ĕçĕпе çыхăннă пултаруллă çынсемпе тĕл пулусем, Чăваш халăх писателĕн В.Алентейĕн ĕçĕ-хĕлĕпе паллаштаракан электронлă презентаци иртрĕ. Кĕнеке куравĕ те йĕркелерĕç. Унăн ячĕ: «Тăван Ен хавхалану кÿрет». Поэзие юратакансем тĕп библиотекăрах «Литературăллă кĕркунне», «Тăван ене тĕпчекенсен çĕнĕлĕхĕсем» куравĕсемпе паллашма пултарĕç. Паян, хаçат тухнă кун, икĕ çыравçă - икĕ шăпа ятпа В.Алентейпе М.Волкова çыравçăсене халалласа литература каçĕ иртĕ. Уйăхăн çур çулĕнче туса ирттернĕ ытти мероприятисем пирки вулакансем çывăх номерсенче паллашĕç.