Публикации » Сорчĕ çĕнĕ, тухăçĕ пысăк

11 октября 2008 г.

Эçпепери В.Яковлев хресчен (фермер) кăçал «Купалинка» çĕр улми сортне 15 гектар çинче çитĕнтернĕ. Пысăк тухăçпа савăнтарнă вăл. Эпир пынă чухне В.Яковлев «иккĕмĕш çăкăра» комбайнпа кăларатчĕ. Ю.Кондратьев, Н.Семенова, Н.Кузьмина, Л.Илларионова рабочисем комбайн çинче çĕр улмие майласа тăратчĕç. А.Яковлевпа Н.Степанов механизаторсем кăларнă çĕр улмие склада турттарса хучĕç. В.Яковлевăн тепĕр ывăлĕ - Сергей «иккĕмĕш çăкăра» сортласа хунă çĕрте ĕçе йĕркелесе тăчĕ. Тухăçлă пулнă çимĕçе турттарма та кăмăллă. Туянакансем кĕркуннех кунта çул хываççĕ. Хаçатра çырнă чухне «хакĕ килĕшнĕ тăрăх» тесе палăртатпăр. Суту-илÿ йĕрки кунта та çавнах тытса тăрать. Кĕркунне - йÿнерех, хĕл каçсан вара унăн хакĕ ÿсет.