Публикации » Кредит илесси малалла пырать

01 октября 2008 г.

«АПК аталанăвĕ» приоритетлă наци проектне пурнăçа кĕртес енĕпе ĕçлессине пирĕн районта тĕпе хураççĕ. Çакна статистика кăтартăвĕсем те çирĕплетеççĕ: аш-какай, сĕт, тĕш-тырă туса илесси ÿсме пуçланă. Чи пĕлтерĕшли - ялта пурăнакан тата хушма хуçалăх тытакан çынсем çăмăллăхлă кредитсене илеççĕ. Вĕсен шучĕ çулсерен ÿссе пырать. Акă, тĕслĕхрен, кăçал ку таранччен ялта пурăнакан 457 çын çăмăллăхлă кредит илнĕ. Килти хушма хуçалăха аталантарас шутпа вĕсене 80 миллион та 472 пин тенкĕ укçа панă, çав шутран «Россельхозбанкран» 206 çын 36 миллион та 219 пин тенкĕ, районти перекет банкĕнчен 251 çын 44 миллион та 253 пин тенкĕ илнĕ. Çапла вара иртнĕ виçĕ çул хушшинче районта пурăнакан 1697 çын 269 миллион та 036 пин тенкĕ илме пултарнă. Ку ĕç малалла пырать. Ял çыннисем хăйсем çине шанма пуçлани сисĕнет.