Публикации » Республика кунĕ умĕн

24 сентября 2008 г.

Çитес 2009 çулта Республика кунне пирĕн районта ирттерме палăртнине хаçата вулакансем пĕлеççĕ ĕнтĕ. Çавна май районта çак уява ирттерме комисси туса хунă. Республика ку­нĕ умĕн тĕр­лĕ ĕçсем туса ирттерессине йĕр­келессипе çак комисси район администрацийĕн­че канашлу ирттерчĕ. Ăна ра­йон пуçлăхĕ В.Кириллов уçрĕ, вă­лах ертсе пычĕ.

Канашлура Вăрмар хула та­та ял тăрăхĕсен пуçлăхĕсен, пред­приятисемпе организацисен руководителĕсен Республика кунне хатĕрленсе кĕтсе илес тапхăрта тумалли ĕçсем пирки чарăнса тăчĕ Вячеслав Нико­лае­вич. Территорисенче тирпей-илем кĕр­тес­си, çул-йĕрсене тасатса тăрасси, чечексем лартасси, картасене çĕнĕрен туса сăрласси, çурт­сен умĕсене çĕ­нетсе илемлетесси тата ытти çин­чен те калаçрĕç.

- Уяв çулĕ хăнасемшĕн кăна мар, районта пурăнакансемшĕн те асра юлмалла пултăр. 2009 çул пирĕн районшăн яваплă çул, - терĕ район пуçлăхĕ В.Кириллов.